Totò

Si avisse fatto ‘a n’ato
Chello ch’e fatto a mme,
‘St’ommo t’avesse acciso,
Avvuò sapè pecchè?

Pecchè ‘ncopp’a sta terra
Femmene comme a te nun
C’hanna sta pè n’ommo
Onesto comme a me!

Femmena, tu si ‘na malafemmena…
Chist’uocchie ‘e fatto chiagnere…
Lacreme ‘e ‘nfamità
Femmena, si ddoce comme ‘o zucchero
Però ‘sta faccia d’angelo te serve pe’ ngannà…
Femmena, tu si peggio ‘e ‘na vipera
M’è ‘ntussecata l’anema,
Nun pozzo cchiù campà
Femmena tu si’ ‘a cchiù bella femmena
Te voglio bene e t’odio,
Nun te pozzo scurdà…

Te voglio ancora bene
Ma tu nun saie pecchè,
Pecchè l’unico ammore
Si stata tu pè me…

E mo pè nu capriccio
Tutt’e distrutto òj nè’,
Ma, dio nun t”o pperdona
Chello ch”e fatto a mme!…

Femmena, tu si ‘na malafemmena…
Chist’uocchie ‘e fatto chiagnere…
Nun pozzo cchiù campà
Femmena tu si’ ‘a cchiù bella femmena
Te voglio bene e t’odio,
Nun te pozzo scurdà…

 

Leia mais »
Atendimento WhatsApp