Ma chest’ evera ‘e mare / comm’addora stasera!
Tutto munno mme pare / cchiu’ schietto e cchiu’ allero
nun saccio ‘o ppecche’…
Viene ‘a cca’, Luciana… / Tu, che ancora ‘a spadella,
puorte dinte capille, si’ ‘a femmena bella
ca i’ voglio vede’…

‘Sta tarantella / napulitana,
‘nziem’a te Luciana,
ca si’ guappa e si’ bella,
cu li ttammorre,
cu ‘e ccastagnelle,
sott’a ll’uocchie d’e stelle
stu core, ch’abballa,
vulesse abballa’!

Aggio fatto nu pigno / ma cu gusto e piacere:
si stasera mme ‘ngigno / mm’aspetta ll’onore
ch’abballe cu me…
Mm’appresento cu’o tubbo / cu ‘o cazone a campana,
cu ‘o rilorgio e ‘a catena / ma tu, Luciana,
mm’hi ‘a fa’ cumpari’…

‘Sta tarantella napulitana… vulesse abballa’!

Nun sentite ‘a campana?! / Ne!…Menatela ‘a rezza!
E, pa gente luntana / ca voca e sollazza,
vulite prija’?!…
Ma chi e’ chisto ch’abballa / “Tarante’…Tarantella?”
Ride, Napule bella, ca e’ Pulecenella
ca torna, e sta cca’!

‘Sta tarantella napulitana… vulesse abballa’!

Oj’ ne’, fa priesto viene!
nun me fa spanteca’!
Ca pure ‘a rezza vene
ca a mmare sto a mena’!

Me Stienne sti braccelle,
aiutame a tira’…
ca stu marenariello
te vo’ sem’abbraccia’!

Vicino ‘o mare,
facimmo ammore,
a ccore a ccore
pe’ ce spassa’…
So marenare
e tiro ‘a rezza,
pe’ la priezza,
stongo a muri’!

Oj ‘ ne ‘ i ‘ tir ‘a rezza
e tu stamm’a guarda’!
Li pisce p’ ‘a priezza
comme stann’a zumpa’!

E vide pure e stelle
tu faie ‘nnammura’…
ca stu marenariello
tu faie suspira’.

Vicino ‘o mare,
facimmo ammore,
a ccore a ccore
pe’ ce spassa’.
So marenare
e tiro ‘a rezza,
pe’ la priezza,
stongo a muri’!