Mario Lanza

Vide ‘o mare quant’è bello!
spira tanto sentimento…
Comme tu, a chi tiene mente,
ca, scetato, ‘o faje sunná!

Guarda guá’ chistu ciardino,
siente sié’ sti sciure ‘arancio…
nu prufumo accussí fino,
dint’’o core se ne va…

E tu dice: “I parto, addio!”
T’alluntane da stu core…
Da la terra de ll’ammore,
tiene ‘o core ‘e nun turná?!

Ma nun mme lassá,
nun darme stu turmiento…
Torna a Surriento
famme campá!…

Vide ‘o mare de Surriento
che tesoro tene ‘nfunno:
Chi ha girato tutt’’o munno,
nun ll’ha visto comm’a ccá!

Guarda, attuorno, sti Ssirene
ca te guardano ‘ncantate
e te vònno tantu bene:
Te vulessero vasá!…

E tu dice: “I parto, addio!”
T’alluntane da stu core…
Da la terra de ll’ammore,
tiene ‘o core ‘e nun turná?!

Ma nun mme lassá,
nun darme stu turmiento…
Torna a Surriento
famme campá!…

 

Leia mais »
Atendimento WhatsApp